Tuesday, October 27, 2009

27th October

Thil ka han ziak mai dawn a, mahse, vawiin hi ni engzat nge a nih reng ka hre chhuak zo lova. Calendar han en mai tur a awm lova, phone leh computer lama mi lah ka check kual vel peih hek lo. Nimin kha 26th Oct niin ka hria a, ka lo hresual leh pek a nih pawhin eng pawi mah a thlen phah em lovang chu. Zingah khan kan Campus kianga Surya Dawr-ah thingpui inin ka chhuak a. Tukin chu nimin tuk ai mah khan a vawt zawk tawh a, boruak a thiang a, a nuam kher mai. Thlasik boruak thiang tak mai han hip vang vang hi chu ngaih te hi a tha veng veng mai a..dam man a awm hliah hliah mai a ni. Book Translation hi 30th September khan ka zo va,hei October thla a ral leh hnu thleng pawhin duh thu a la sam hlei thei lo a nih hi...loks..chawngzawng ka room-ah an lo lut..