15th Dec

Mumangah nimin lam pang ka lo mangphan a. Lung a leng vawng vawng mai. Lunglen hi heti hrim hrim anih dawn ngai chuan engtinnge maw ka'n han tuar dawn ni aw ?? Nikhat chu sawi loh sana inthen pawh hi a muang anih hi maw le..

I tan chauh...14th Dec

Vawiin hian Auto Drivers leh Bank thenkhat te leh Post Office te an nuar a. Pawn chhuahvah a hrehawm khawp mai. Auto a awm loh avangin kan kal kual vak vak a. Zan lamah chauh a na duh khawp mai. Vawiin hi chu i tan liau liau ka ti. Ka hun zawng zawng i tan ka hlan.

9th Dec

Zing atangin khua a thiang a, dar ruk leh a chanve-ah ka thova, dar sarih leh minit sawmpangaah chuan Bus-ah ka thu vang tawh. Vawiin chu Rock Climbing nei turin kan kal a. Bangalore khaw pawn deuh hlek, Jalahalli lam pangah lung lian fahran mai, 100ft vela sangah kan lawn a. Hmanlai, strap belt awm hmaa an lawn dan hmang tein min tihtir a, chhuk lama kan uaithla chu malpui a sa duh ngang mai. A hnu deuhah chuan automatic belt an tih hmangin kan ti leh a, chu chu a ziaawm ta. A lawn chhoh lam pang kha a namai lo viau. Avinash nen 20ft vela sang kha tunge lawn chhuak hmasa sa kan ti a. Ban tha chakna hmang liau liauva in pawh chhoh tur a ni a. Avinash-a chuan 20secs-ah a a lawn chhuak a, a hnung chiahah 24 secs ah ka chhuak ve thung. A nuam viau mai. Kan Guide leh Instructor chuan Nandi Hills-ah kan la ti leh dawn nia a ti a, chu chu 1000 ft chuang daiha sang a ni a, chuti teh ual chuan a nawm ka ring lo ve. A nuam ti zual tan phei chuan in hming min pe ula, Himalayas lawnna chance pawh in nei thei ang, a ti a. Ka awih lem lo. Eitur kan keng hnem khawp mai. Boiled Eggs, Juices,Chicken Burger,Apple te kan keng.

7th December

Yesterday I missed her...and again I miss her today..and tommorrow I'll miss her.

Khua a vawt ve tawh khawp mai. Bangalore pawh Bangalooru an ti tep tawh a. Hman deuh khan mi thenkhatin an hmang tan tawh emaw te an lo ti ngawt a..hehe.

Vawiin chu Pu Ziona pawlte chanchin leh Mizorama Nawhchizuar chanchin www.newslink.in ah ka chhiar a. Ngaihtuahna a thui khawp mai. Nawhchizuar veng siam mamawh khawpa kan moral value a han tlahniam ta hi a na ka ti. Mahse, nawhchizuarte tana thawk thin te leh AIDS laka invenhimna lam atana hma la tu ten a tul an tih chuan siam thuai chu a that hmel fu bawk si...He kan Zoram Kristian ram, Pathian zawnchhuah ramah hian a lang a pauvin nawhchi kan zuar ang maw ?? Rilru chu a na deuh a ni.

Thla bial vangin

A mak ka ti..Thla bial zan apianga mut chhuak a reh thin leh lung a leng zual thin hi. Kan balcony atanga dah chhuah a hmar lam pang sang deuh hlekah khian Thla nalh fahranin a eng a. thlasik khua anih avangin a vawt deuh sur tawh bawk a. Bangalore pawh a vawt ve tawh khawp mai. Aizawl lam engnge a an aw ?? Boruak a balin a khu leh viau ang a?? Aizawl te hi chu a mi chengten an zir miau loh avang leh a ram leilungin a zir loh avang khian a ro hian a ro ngawih ngawih thin ngawt mai...Masi hmanga haw tum ho kha han in report teh u.

4th December leh a behbawm...

Vawiin hian Chennai atangin Damteii te thiandun leh an thiannu pakhatin min rawn tlawh a. Zan dar sarih leh minit 46-ah an rawn thleng a. Damtei hmel hmuh a nuam khawp mai. (Duhberte kiangah chuan hmelchhe ber pawh hi kan hmel hmuh a hahdam thin reng a ni)..hahaha.. Nizan hmasa khan R- nen kan inbia a. Ani pawn pasal neih lam ngawt lo chu sawi tur alawi a hre tawh lo. A mak..hringnun hi. St Anthonys College-a kan kal laia ngaihzawng neih nachang hre map lo leh mipa kawm taka kan kawmte pawn nupui/pasal neih an ngam ta fur hlawm mai..Ngawiteh, hun hi a kal chak anih hi maw le.. Bah Rina ka biak hnuhnung ber tum te kha ka hrechhuak a. Ka biak hnuhnunber tumin a bialnu chanchin ka zawt a. "Kan inban daaaaiiih tawh" a lo ti a, "I hre hlui lutuk" te a lo ti chiam chiam a. Ka hriat hlui vak pawh ka hre law...July thla pawh khan an la nia(in la ni reng a) a hlui lem lo. Nang hi i che chak ve hrim hrim a ni. Hmangaihna te hi i ngah reng reng. A-vida a che thring ber. Hmangaih pathum thum a nei a. Nuam a ti vel ham ham lutuk tunah tak chuan a arte lukawn lal tawh. An inhrechhuak a, tuman an duh tawh lo a ti. "Tihchi loh mei mei" a ti.

Khawnge an awm hlawm ??

Damteiin Sangpuii leh Maggie te Chennai-ah Air Hostess-a an awm thu min hrilh a. Maggie chu a thiam ve dawn emaw ni ?? Sangpuii pawh....an nuihzatthlak viau ang. Rosy pawh IDBI-ah a thawk a. Tin, Atluangi pawh ICICI-ah a thawk bawk. Anni pawhnih hi Lecturer lam....an ni.An pahnih hian Aizawl-ah an awm a..nuam an tih hmel khawp mai. Rosy Sas aiin Damteii sas hmel hmuh a nuam zawk a. Ngaihzawng zawn a thiam zawk tihna a ni. Zawna (John-a of Madanriting) kha Hyderebad-ah a awm a. Hyderebad Mizo chanchinbu-ah te Hyd Univ Football Team thlalak ah a tel ve. Mak hlawm khawp mai. A pet fuh ve thiam dawn mi aw..te ka lo tia..

Masi a hnai tawh si...

Masi a hnai a..lung a leng vawng vawng reng mai...Lung len hian chin tawk a neih loh zawngin keini ang sa pan leh derthawng lutuk hian kan tuar zo lo tak tak ang. Thei ni ila, he Krismas hi duhberte kiangah hman ve theih a chakawm..mahse, kan duhthusam te hian eng ual min thlen ngai lo zawng anih hi..duhthu hi kan sam a..a hlawhtlinna chu chunglam kut a ni thin si..kan duh ang hian thil tam zawk hi a inher lova, kan duh loh dana a inher pawha hlim taka nuih hi thil har tak zawng a ni ngat mai. Zoram lamah chuan ring tak takin Masi hla an zaitir anga, khawlai vela mi leng vel hrim hrim pawhinChhandamtu piancham lo thleng tur chu an nghahhlelhzia an cheziain an lantir anga; Thlasik anih avangin khua a vawt deuh var tawh anga...khawilaiah emaw te chuan thlasik nilum ai pawh hmu tur an awm leh far tawh anga..mi tam ber titi-ah chuan Masi lo thleng tur ringawt chuan thupui chan a chang ang...duhnerte kianga hman theuh tumin an hmanhlel ang a....duhberte nena Chhandamtu piancham lawm tluka thlakhlelhawm hi he khawvelah hian awm tak ang maw le ?? Maenga(Englupiala) of Mizoram Univ kha chu tunlai hi chuan a chaaat nasa leh tawh ngawt ang. A chal a tle hlarh anga, a hnar hmawr pawh a tle leh tawh khawp ang. Rosangzuala Misual khan tun Krismas hi engtinnge a hman ang tih ngaihtuah tham fe a tling. Dettol bur awm hnaih vak lohna ah chuan Zu te kha khawih ve lo law law se a tha. A hming chhe tawh ang, a chetsual leh vaih chuan..

Chhinlung Magazine Vol XVIII

Bangalore Mizo Association chuan Chhinlung Magazine Vol XVIII-na chu vawiin 3rd December khan a tichhuak ta a. Theihtawp chhuaha kan beih fe hnuah pawh duhthu a sam lo ngei mai. A kawm erawh chu a nalh viau a, mahse, a chhungah tihsual a lo awm nual a. Tihsual awm tlem thei ang ber tura kan ti chung pawhin Press lamin an la rawn tisual ta nuaih tho va. Tih ngaihna tak pawh a vang khawp mai. Famkimlohna khawvelah hian famkim hi a har anih hi.... Article 41 lai kan chhuah a, kan memberte atangin article a luh that em avangin pawnlam atanga Official-a sawm ni si lo lo lut ho kha chu kan paih ta a..Rin hnapa article pawh chhiar a anwm teh reng nen, kan chhuah thei lova a pawi ngawt mai.

For A Soul So Cool

For A Soul So Cool

Vawiin Bangalore....11th November

Vawiin khua a vawt lek lek a. Khua a dur deuh avangin tlai lama BMA League khelh tura ruahman hi boruak nuam lo zetah kan hmang palh ang tih a hlauhawm ngawt mai. Inkhelmi ho phei chu rilru nuam lo takin an awm ngei ang. Thenkhat lunch pawh ei tha thei mang lo te kha an awm leh ngei ang a. Kan inanglo hlawm teh e. Tlai lamah BMA League chungchang chu kan sawi zawm dawn nia...ka hman cher cher bawk a..

For 'Da Frenzz'

He Blog hi thian hluite chanchin chhui zui nan leh keimahni circle deuh bik atana tih a ni. Hetah hian thlalak leh thiante chanchinthar awm ang ang thehlut hlawm thin ila...chuan kan inhre pawp reng thei hlawm dawn nia. Thlalak chu ka mail-ah min lo thawn mai ula..chuan ni mai.

(Hei pawh hi a ho hle a ni :D) Paih tawh lo mai ang..a uiawm ve alawm maw le.